Yoga Resolution

Yog Sandesh November issue.by Swami Ramdev.

Jot se jot jalate chalo, Yog ki ganga bahate chalo,

Ek se do ko milate chalo, Yog ki kaksha chalate raho

Saath mein aaye jo rog dukhi, sabko nirogi banate chalo,

Yog ki ganga bahate chalo.....

Jiske liye na koi dawa hai, na shalya chikitsa

uske liye hai pran aushadhi, yog hai poorna chikitsa.

Gyan ki Jyoti khilate chalo, yog ki Ganga bahate chalo,

Pran mrityu hai, pran vasu hai, pran hi jeevan shakti

Pran pita hai, pran hi mata, pran hai sabse anokha

pran ko hriday mein basate chalo, Yog ki kaksha chalate raho.

Yog hi jeevan aalamban hai, pran hi kripanidhan

Pran vyapt hai is kan kan mein, pran hai charo dham.

Jeevan utsav banate chalo, Yoga ki kaksha chalate raho

Ved shashtra upnishad se mile sanskrit gyan

Param Pujya shree swami ji ne kiya dur agyan

Om ki Alakh jagate chalo, yog ki kaksha chalate raho.

Ek se do ko milate chalo, yog ki kaksha chalate raho

Saath mein aaye Jo rogi dukhi, Sabko neerogi banate chalo.

Poem by Urmila-